Uitwerking van de oefening, blad b, van les 11:

klik hier als u tegelijk de tekst wilt zien | klik hier als u alleen de transcriptie wilt zien

 

nochtans dat hij die latboome(n) ende andere gereetschap sal moge(n) afhouwe(n) op d erffve
van den voirs(chreven) convente ende oft hij ennich groot hout behoefde tot alsulcke
reparatien, dat sal den pensier hem wijsen int rouwe, maer de pachtere sal tselve
doen afhouwen, behouden ende sagen op zijnen cost. Ende i(n) gevalle die voirs(chreven) pachtere
dese reparatien in tijts nijet en dede alsoo dat door zijne negligentie alsdan meer schade
geviele ende gebuerde oft meer costen opgedaen moesten worden, dat de selve pachtere
de lasten alsoo comende selffs sal moete(n) dragen en(de) tzijne(n) laste en(de) costen repareren
maer in gebreecke van grooten nijeuwen wercke, tselve sal die pensier doen maecken
ende die dachuren betalen ende oijck dat rouw hout en(de) ijser leveren, behoudelijck
dat den pachtere alsulcken nieuwen werck sal moeten doen decken en(de) den wercklieden
den montcost geven tzijnen laste, sonder corttsel oft afslach daer aff te verwachten

Item de voirs(chreven) pachtere sal noch schuldich ende gehouden sijn alle de grachte(n) en(de) graven
tot dese hoeve horende, loffelijck in heijningen te onderhouden en(de) egheen(en) opgaende
eijcken [nb uitloper ‘ij’ op volgende regel] boome(n) af te houwene te truncken oft te slueren, sonder consent oft
                                                                                                                                                                             oorloff
des pensiers voors(chreven) .Item allen riolen en(de) waterlaten ruijmen en(de) veegen totten ouden bodom toe,
de straten maecken, gebuerlijck recht houden gelijck zijne naebeuren en(de) alsoo laten in sijn affscheijden etc.
Item en(de) noch sal die voirs(chreven) Jacob pachtere gehoude(n) sijn den pensier voirs(chreven) alle
jare vier reijsen met wagen ende peerden te doen(en), soo wanneer tselve den pensier
beliefven sal

Item oft de voirs(chreven) Jacob pachtere binnen dijen tijde dese zijne pachtinge geraecte
aflijvich te worden (dat godt verhoeden wille) soo is oijck merckelijck en(de) bij
expresse ondersproocken dat in sulcken gevalle, des voirs(chreven) Jacobs [inv.] voor kijnderen
om dese hoeve loffelijcken te cultivere(n) en(de) te bewoonen, nut en(de) bequaem gevonden
zijnde en(de) dient van den pensier beliefven sal sullen oft sal dese hoeve
vrijelijck blijfven behouden(en) en(de) haere pachtinge gebruijcken ten eijnde toe
van(de) voirs(chreven) [doorh.: seven] [inv.] acht jaren sonder beleth van ijemanden, behoudelijck nochtans
dat alsulcke des voirs(chreven) Jacobs [inv.] voor kijnt oft kijnderen {totter hoeven als nut en(de)
bequaem comende}onderhouden en(de) in alles nae gaen sal oft sullen alle co(n)ditien
en(de) voorwaerden in desen begrepen oft bij gebreke van dijen soude de pensier
voirs(chreven) tsijnder beliefte een(en) anderen pachtere oft hoevenaer moge(n) stellen sonder
ijemants toeseggen

Item de voirs(chreven) pachter sal noch jaerlijcx boven tgene voirs(chreven) staet betale(n) aen
handen des pastoors van Tilborch nae die oude maniere tot behoeff des pensiers
eenen zestere cuijsbaer bloemen van rogge meele eenen hamel vuijter gemeijnder
coeijen den besten twelff l(i)br(as) boteren en(de) oft de pastoor v(oirschreven) egheenen cost en
hadde van den pensier oft thiendenaers ofte hoevenaers, mach de pensier dit
v(oirscheven) keeren en(de) weijnden tot zijn(en) prouffijte en(de) zal verschijnen ontrent meije va(n) jare
tot jare en(de) oft den penchier niet gelegen en ware in p(er)soone aldaer te come(n) soo en
is den pachtere tot hetgheens voors(chreven) staet niet verobligeert

 

naar: blad c van deze oefening