Uitwerking van de oefening 2 van les 15:
klik hier als u tegelijk de tekst wilt zien | klik hier als u alleen de transcriptie wilt zien
Sur ce que da(moisel)le Marie van Erp vefve de feu Julien Clerhagen
resident en la ville de Heusden auroit faict supplier quil luij fut
permis de vendre la tierce part de certaine disme quelle at au
villaige de Berlicom et a lentour, importante environ cincq ou
six muidz de soille (seigle?) par an, pour les deniers en procedant furnir
an paiement de ses debtes, pour lesquelles elle seroit detenue
par ses crediteurs et apres de se pouvoir retirer dudit Heusden
et venir tenir sa residence aud(it) villaige de Berlicom soubz l obeissan(ce)
de leurs al(tes)zes. Icelles ce que dessus considere eu sur ce
l advis du rec(ev)eur g(e)n(er)al de Brabant au quartier de Boisleducq
et des fiscaulx de Brabant, ont par advis de ceulx de leurs
finances, accorde et accordent de grace espe(ci)al(eme)n(t) par cestes
a lad(ite) suppl(ian)te quelle puist et pourra faire proceder a la
vente de la tierce part de la disme quelle at aud(it) Berlicom
et environ moiennant et parmij paijant pour recognoisssance
de lad(ite) grace au prouffict de leursd(ites) Al(tes)zes es mains dud(it)
receveur g(e)n(er)al la somme de trois cens livres du pris de
quarante groz une fois et enoultre quelle pourra venir
prendre sa residence aud(it) villaige de Berlicom et ij joijer
de ses biens saisez doiz ce jourdhuij en avant a charge
toutes fois de prester et faire le serment de fidalite de
vivre et se comporter doresenavant catholiquement comme
aultres bons subiects. Ordonnans leursd(ites) Al(tes)zes aud(it) rece(ve)ur
g(e)n(era)l et tous aultres quie appartiendra desinnant ce eulx
regler et conduire sans aulcune difficulte, faict a
Bruxelles le quatriesme de mais seize cens quatre M. v.te?
Soubsigné Albert Charles Philippes de Croij, J. de
Drencwaert, N de Montmorencij, Stercke, J. de Mietieres
Collationnee et trouvee de mot a aultre
accorder avecq la d(ite) originelle acte, par
moij Arnoult Peeters de Hees notaire
publicq en conseil de Brabant admiz
(was getekend) A. van Hees.
Bron: Algemeen Rijksarchief Brussel, Kwitanties Rekenkamer Brussel, inv.nr. 6827